«Mektepke jol» aksııasy: Jambyl oblysynda  26 myńnan astam bala birinshi synypqa barady

Endi sanaýly kúnderden soń altyn kúz bastalyp, bilim uıalary esikterin aıqara ashatyn bolady. Jambyl oblysyn­daǵy barlyǵy 449 mektep dál qazir 197 myńnan astam oqý­shy­ny qabyldaýǵa saqadaı-saı ázir. Aǵymdaǵy jyly 26071 búldir­shin birinshi synyp­­tyń tabaldyryǵyn attamaq. Áleýmettik áleýeti árqıly deńgeıdegi otbasylarynan shyqqan balalardyń mektepke birdeı daıyndyqpen kelýin qamtamasyz etý úshin tamyz aıynyń basynan bastap, oblys qalalary men eldi mekenderinde respýblıkalyq «Mektepke jol» aksııasy aıasynda az qamtylǵan jáne kóp balaly otbasylaryna jergilikti bıýdjet jáne demeýshiler esebinen qoldaý kórsetilip keledi. Oblystyń bilim salasyna qatysty bilim mekemeleriniń ǵı­marattaryn jańartý, kúrde­­li jáne aǵymdaǵy jóndeý jumystaryn ótkizý, olardyń materıaldyq-teh­nıkalyq bazasyn nyǵaıtý sııaqty keshendi máselelerdiń sheshimin tabý isi udaıy basty nazarǵa alynýda. Sonyń bir naqty aıǵaǵy retinde, búgingi tańda, óńirde jobalyq-smetalyq quny 7,4 mıllıard teńgeni quraıtyn 24 bilim nysanynyń qurylysy júrgizilip jatqanyn aıtsaq ta jetkilikti. Sonyń ishinde bir mekteptiń qurylysy jýyrda aıaqtalyp, paıdalanýǵa berilgen. 1 qyrkúıekte segiz mekteptiń oqý­shylardy qabyldaýǵa tolyq múm­kindigi bolady dep kútilýde. Al bes bala­baqshanyń ǵımaraty jyl aıaǵy­na deıin qurylysy aıaqtalyp, paıda­lanýǵa beriledi. Qalǵan 10 bilim uıasynyń qurylysyn 2016 jyly aıaqtaý mejelenýde. Sol sııaqty, bıyl on mektepti kúrdeli jóndeýden ótkizý úshin 532,7 mıllıon teńge, al 169 mektepte aǵymdaǵy jóndeý jumystaryn júrgizý úshin 391372 myń teńge qarjy bólinip, tolyq ıgerildi. Son­daı-aq, oblys mektepterine jalpy somasy 81,1 mıllıon teńge tura­tyn 4 fızıka, 7 bıologııa, 2 hımııa, 10 lınga­fon­dyq jáne mýltı­me­dıalyq kabı­net­teri satyp alynǵan. Elbasynyń bilim salasy me­kemeleriniń aldyna qoıyp otyrǵan basty mindetterdiń biri – oqýshylardy oqýlyqtarmen qamtamasyz etý máselesi. Onyń sheshimin tabý úshin bıylǵy oqý jyly qarsańynda ótkizilip jatqan respýblıkalyq «Mektepke – oqý­lyqpen» aksııasy sheńberinde oqý­shylardy 100 paıyz oqýlyqtarmen qamtamasyz etý úshin bıýdjetten 918 683 myń teńge qarjy bólingen. Oralhan DÁÝIT, «Egemen Qazaqstan». Jambyl oblysy.